म चुरोट

म चुरोट

तिम्ले,

उसले,

सबैले जलाउने

तिम्रो

ओठलाई,

छातीलाई

कालो बनाउने ।

तिमीमा विचार को ठुस्ठुसी छ

म मा सुर्ती को,

तिम्रो विचार बाहिर राम्रो

भित्र खोक्रो

मेरो उल्टो

मेरो गन्ध भित्र मिठास,

बाहिर दुर्गन्ध,

म भित्र

कोलाहाल,

हाहाकार,

छटपटी,

छाल छाल

जलाउ मलाई,

खार खार

तिमी मेरो दुस्मन,

मेरो शरीर

जलाउने,

खेलाउने,

टुटाउने,

उठाउने,

तिम्रो जीवन झै म लाचार

तिमी जस्तै बहुरुपी म पनि,

लाटो, सोझो,

चलाख, चतुर,

गुणी, पापी

के फरक छ र,

तिमी र म मा,

तिमी पनि जल्छौ,

खरानी बन्छौ र उड्छौ,

फरक त केबल स्वाँस हो।